Во денешниот број на Фокус, во секцијата „На втор поглед“ која ја уредува Бранко Героски, осамна една мудра мисла која ќе ја пренесам во целост. Вели вака : „Оваа прекрасна земја и припаѓа на обединета Европа, рече вчера новиот евроамбасадор Орав. Не замерувајте му на човекот. Нов е, уште не знае кај се наоѓа.“
Ја читам оваа реченица веќе неколку пати и не можам да сфатам до каде може да оди непрофесионалноста и дилетантизмот на некои новинари кои, меѓудругото, се себеумислени дека претставуваат најголеми авторитети во својата професија. Каква врска има протоколарно - срдечната порака на новиот евроамбасадор, со владеењето на политичката елита на која Героски очигледно алудира. Зарем има некаква релација помеѓу популистичкиот обид на Орав да кокетира со македонската јавност, доделувајќи и неколку комплименти на државата во која туку што го започнува својот мандат, со (не)успехот на политичката власт да организира демократски институции и стабилен политички поредок во кој се почитуваат основните права и слободи на граѓаните? Зарем „прекрасноста“ на државата (што и да подразбира Орав под тој термин) има некаква врска со партијата која е на власт? Зарем реките се помалку длабоки, а планините помалку високи кога ДПМНЕ или СДСМ е на власт? Зарем не можам да се залагам за департизација и демократизација на институциите, да критикувам и протестирам против протототалитарните методи на владеење, а истовремено да не и се потсмевам на државата во која живеам?
Всушност, кога Героски вели: „Не замерувајте му на човекот. Нов е, уште не знае кај се наоѓа“ - Пораката гласи: Секој кој и дава комплимент на државата, макар и во дипломатско - куртоазен и неполитички контекст е, или луд (еуфемизам : „не му замерувајте“) или глупав (еуфемизам : “нов е, незнае кај се наоѓа“).
Ако пораката е онаква каква што сметам, се поставува прашањето на кој начин ќе ја отчитаат истата оние на кои им е упатена (читателите на Фокус, а во потесна смисла, публиката кај која Героски има најголемо влијание). Се плашам дека од „авторитетот“ ќе прочитаат дека, или се глупави или луди, доколку сметаат дека оваа држава, географски, културолошки но и политички и припаѓа на „обединета Европа“ како што вели Орав.
Героски бездруго ја знае разликата помеѓу концептите на власт и држава. Но, веројатно, нивното намерно мешање повеќе одговара на целта, т.е. пораката која сака да ја упати. На ниво на принцип, или комуникациски методи кои ги користи, воопшто не правам разлика помеѓу него и новинарските шарлатани кои и се додворуваат на власта, спинувајќи преку (про)владините медиуми.
Овој текст пред себе го носи ризикот да биде протолкуван како премногу остар, но тоа ќе биде само од страна на оние кои немаат навика да ги следат пишуванките на Героски и континуитетот на неговите пораки.
Мислам дека цинично алудира на избегнувањето од страна на Орав да изговори Македонија, а не на ова за што ти пишуваш!
ReplyDeleteBuffalo Kid, сосема е возможна твојата интерпретација на текстот на Героски. Да речеме дека имаш право, во тој случај, цинизмот е прилично невешт штом остава место за различни толкувања (не верувам дека единствено јас го интерпретирам на овој начин). Од друга страна пак, правото да го интерпретирам текстот на Героски на начинот на кој што го интерпретирам, го црпам од севкупноста на неговите текстови и континуираната порака која е содржана во нив
ReplyDeleteМногу добро си ја сфатил неговата мисла, и на што алудира.Да беше некој друг новинар, можеби и јас би размислувала како Buffalo Kid.Но бидејќи ги имам прочитано сите текстови напишани од перото на Фрфљо, многу е јасно кој е неговиот став.
DeleteRorschach, те поздравувам.
ReplyDeleteСамо напред!
Опасно копиле... Ќе те имам на око!!!
ReplyDeleteТи намерно се праиш глуп, за да напишеш огромен текст во кој го мразиш Героски, или стварно не разликуваш иронија?
ReplyDeleteИ пак, се праиш глуп, или стварно не сфаќаш кому, всушност, му е наменета пораката? Хинт: не на амбасадорот.
Инаку, сфативме: се залагаш за мир во светот и слободна љубов...
Орданоски, ако три пати ме наречеш глуп а притоа „заборавиш“ да го аргументираш ставот, тоа не те прави победник во дебатата туку напротив, те прави немоќен и очаен. Аргументирај, па самиот ќе заклучам дали сум глуп во зависност од мојата способност да одговорам на твоите аргументи. Инаку, иако си гостин на овој блог, а јас негов домаќин, можеби и не би требало да ги оставам коментарите кои, наместо содржината на постот, ме напаѓаат мене лично. Но сепак, ќе направам отстапка и ќе го оставам. Всушност, коментарот повеќе зборува за тебе, отколку за мене. Поздрав
Deleteхихи тушеј
DeleteНема што г-н Орданоски да аргументира кога сите аргументи си ги имаш самиот ти дадено во твоето писание.
DeleteАбе се ми се чини дека "поракиве" на Геровски ги сфаќа "правилно" само одреден тип публика (од типот на Орданоски).На пример ако напишеше Геро онака евангелскореторскодидактично "Простете му,тој нема поим дека дошол во земјата на Глупите Августи" тоа ќе биде сфатено "правилно" од неговата публика,односно дека сите во Македонија се смешно-глупи освен оние кои не се,а тоа е публиката на Героски која,нели,ја сфаќа "правилно" неговата " мудра порака".
ReplyDeleteПластично кажано,Ѓеровски е некаков македонски Милан Тарот.Неговите совети се мудри само и исклучиво за неговите онлајн пациенти.
Нам ни останува само да им се чудиме на паметот(на паметот на пациентите бидејќи Геровски,како и Милан работи за пари).
Одличен текст .Браво.
ReplyDeleteRorschach, скоро во целост се согласувам со Вашиот текст. Споредбата со Латас е сосема во ред, зашто и Героски го прави истото што и Латас/Миленко со нивните неистомисленици. Да сум на местото на Героски, сериозно би се замислил; во најмала рака би ја искористил оваа полемика за сопствено „надградување„ (напуштање на навиката на жигосување на сите што не мислат исто како него, па биле тие и анонимуси).
ReplyDeleteСепак, и Вие на почетокот на Вашиот текст директно го напаѓате Геровски со етикетирање како „самоумислен најголем авторитет„ (покрај неговата „непрофесионалност„ и „дилетантизам„). Тоа Ви остава простор и Вам за соптсвена „надградба„ - нема потреба од лични дисквалификации, нели треба да оставиме аргументите да говорат сами за себе ;-)
Една работа треба да му се признае на Геровски - има „онакви„ јавно да ги искаже своите ставови дури и во ненормални услови во кои и физичката сигурност е загрозена за тој што ќе се осмели да каже и мисли поинаку од водачот.
Посакувам да бидете поприсутни во јавниот живот - вакви текстови се вистинско освежување во скудната интелектуална мисла во моментов.
Поздрав,
/Македон
Македон, благодарам на конструктивниот коментар. Иако сметам дека сте во право кога ми укажувате дека преостро сум го нападнал новинарот, сепак, речениците кои ги подвлековте не сметам дека се на личносна основа туку на професионална. „Непрофесионалноста“ и „Дилетантизмот“ се квалификации кои се поврзани со остварувањето на работните задачи и се толку повидливи колку што професијата е појавна. А кога зборуваме за професија како што е новинарството, дилетантизмот едноставно не може да се симулира. Како и да е, личносни или професионални, квалификациите сосема легитимно може да се протолкуваат како преостри (тоа го наведов кон крајот на текстот). Но, во меѓувреме и на моја среќа, се појави текстот на Героски во Фокус, во кој покажа дека квалификациите веројатно и не биле незаслужени. Поздрав и секое добро
ReplyDeleteДоблест до крај Rorschach, „самоумислен најголем авторитет„ остава впечаток дека имате повеќе проблем со личноста Героски отколку со неговите ставови... ;-)
DeleteМакедон, точно е дека имам проблем со самоумислените авторитети во нашата јавност. Токму незаслужениот авторитет на тие личности се обидувам да го деконструирам и да ја прикажам нивната вистинска вредност која, според мене, не оди подалеку од обичниот медиокритет. Героски е само еден од многуте, со кој сосема случајно започнав да пишувам. Од тој аспект, сосема си во право. Имам проблем со неговата личност и начинот на кој истиот е перцепиран во јавноста (професионалец, некомпромитиран, објективен критичар на социјално - политичките феномени). Во секој случај ти благодарам на пријатниот тон во коментирањето. Сосема си во право кога велиш дека има простор за мое надградување. Впрочем, затоа и се вклучуваме во јавното комуницирање. Единствено преку натпревар на ставовите и мислењата надградбата станува возможна. Јас не се срамам да признаам дека надградбата ми е потребна. Затоа сум благодарен што на овој блог среќавам и пријатни и конструктивни коментари како твојот. Поздрав
DeleteЕ тоа е веќе доблест, секоја чест. Доколку со ваков пристап настапиш и во кореспонденцијата со Героски, нема да може никој (вклучително и мене) да ти ги оспори (дел од) ставовите, освен ако не е од типот на Латас/Миленко. Но за таквите и е наменет текстот нели...
DeleteНо еве како јас гледам на вашава полемика:
- Главната поента е несоодветноста на заклучокот на Героски дека амбасадорот е „нов, не знае човекот..„ на куртоазната изјава за нашата прекрасна земја (како што и самиот забележуваш: „Зарем „прекрасноста“ на државата има некаква врска со партијата која е на власт...„). Потполно се согласувам со тебе: и јас сметам дека земјата ни е прекрасна без оглед на тоа која партија е моментално на власт.
- Но тоа во нормални услови. Ова што се случува во Македонија е се само не нормално, освен ако не се споредуваме со тоталитарни режими.
- Како што реков, Героски има храброст јавно да го каже своето мислење. Последиците по неистомислениците на овој режим се драконски, за разлика од до пред 6 години (сега се оди во затвор, се затвораат медиуми, се уриваат хотели итн...). Методите кои се користат против неистомислениците веројатно можат да им конкурираат на оние на „министерот за пропаганда„ од пред 70-ина години, но нашиве се убедливо на врвот по примитивноста, неукоста и малоумноста. Верувам дека и Героски е изложен на многу, помалку или повеќе суптилни, методи на справување со неистомислениците. Од тие причини, земајќи ја предвид состојбата на државата во целост, можам да ја разберам неговата реакција, иако несоодветна нели (дури и неговата пост-реакција на твојот блог сметајќи те за еден од следбениците на преродбата, кои ги има насекаде...).
- За разлика од тебе, јас не гледам во тоа непрофесионализам/дилетантизам (тука веќе имаме разлика во мислења... :-D). Ова се однесува на неговата реакција на говорот на амбасадорот. За неговата реакција на твојот блог и мислење веќе се изјаснив во мојот прв коментар.
- „Гревот„ на Героски за несоодветниот заклучок и реакција е занемарлив во споредба со гревовите што ги прават преродбениците во општествениот и политички живот. Неспоредливо.
- Дури и таков, Героски сепак е еден од ретките кој му спротивставува на актуелниот режим, ризикувајќи многу.
- Штета е потенцијалот на една ретко јасна и исправна интелектуална мисла да се троши на полемика со Героски (со кого сепак мислам дека имате повеќе заеднички допирни точки отколку разлики), кога во опшетството има далеку покритични појави што бараат независно и критичко мислење.
- Јас не би се оптеретувал со тоа да се деконструира нечиј (не)заслужен авторитет и медиокритет. Тоа доаѓа само по себе кога аргументите се јасни и недвосмислени.
Поздрав!
Македон, интересно е тоа што, како продолжува нашата (моја и твоја) кореспонденција, така ги приближуваме ставовите.
DeleteСамо малку ќе додадам. Не само што мислам дека сме слични во ставовите со Героски во опишувањето на актуелната власт и методите кои ги користи со справување на политичките противници, туку, би отишол и подалеку и би рекол дека сме сосем на иста линија.
Оваа власт е мошне блиску(потсетува), како што кажа и самиот, на некои тоталитарни системи и времиња. Токму затоа и ја нареков протототалитарна.
Сепак, ако ги читаш внимателно и континуирано пораките на Героски, ќе забележиш дека многу често се прави намерно мешање (поклопување) на концептите власт и држава. Мене, како граѓанин на оваа земја, исклучително ми пречи истата да биде идентификувана со политичката елита која ја остварува власта. Глупаво би било да кажеш дека Коста Конкордија не бил прекрасен брод, замо затоа што имал неодговорен капетан, нели?
За да не ја оптоварувам препискава, нема повторно да ја анализирам изјавата на Орав и пораката на Героски, но сигурен сум дека знаеш на што мислам кога алудирам на намерното мешање на концептите.
Веќе реков дека непрофесионализмот и дилетантизмот беа нессодветни епитети во овој пост. Но, истите епитети, после текстот во Фокус, Героски апсолутно ги заслужи.
Што е дилетантски? Ако го читаше текстот во Фокус, таму нема ниту една референца до текстот на кој тој реферира!
Свесен сум дека е доволно паметен за да не ми прави реклама, но, од академски и методолошки аспект, аматерски и непрофесионално е да пишуваш дека некој нешто рекол ако не го посочиш изворот. Тоа Героски мораше да го направи, ако сакаше да го задржи нивото на минимум професионализам и запазување на правилата на пишување.
Секој, барем малку методолошки поткован читател, сосем легитимно ќе го си поставевеше прашањето: Од каде знам дека човеков не го измислува текстот на анонимниот блогер со оглед на тоа што не е понуден изворот? Ако сакаше да биде професионален, мораше да ги упати читателите до мојот текст, дури и по цена на несакана реклама.
Имаш право кога велиш дека „гревот“ на Героски е занемарлив во однос на гревовите на актуелната власт. Немав ниту намера да и дадам предност на критиката кон Героски отколку на онаа кон актуелната власт, но, верувај ми, сакав да покажам дека на ниво на принцип, едноставно не гледам разлика во комуницирањето со јавноста (а особено различното мислење) меѓу него и агитпроповските пропагандни машини како Латас и Миленко.
Се сложувам и со фактот дека е еден од ретките што ја критикува власта. Но ја критикувам и јас (преку различни медиуми). Значи ли тоа дека јас сум подобен критичар се додека ја критикувам власта, но во моментот кога ќе укажам на некој негов недостаток одеднаш станувам „дпмнеовски кретен“? Ете, тоа ми пречеше и чуствував потреба да го ојавнам.
Жалам што сосема беспотребно се губи критичкиот потенцијал. Се сложувам дека има многу побитни теми за дискусија, но верувај, никој не би останал имун на етикетите и квалификациите кои тој ми ги препиша. Така, не смее да се опходува спрема критиката доколку сака да биде различен од новинарите со кои го споредив.
Текстот е одличен...Геровски, по првобитниот нокдаун, сега се свестил и ене три страници текст напишал на сајтот кој е под негова контрола.
ReplyDeleteГероски, не ГероВски! :))
DeleteКога некој нема мадиња да се потпише со полно име и презиме зад своето мислење (без оглед ддали во текстот или во коментарите), тоа автоматски го дисквалификува како некој чие писание е порачано од друга страна.
ReplyDeleteТаа кукавичка пракса ја има насекаде по македонската интернет сцена и самата зборува за убеденоста на пишувачите во тоа што го кажуваат. На тој начин се создава „несиметрична“ дискусија во која едните се споменуваат по име и презиме, а другите си го имаат луксузот да јадат гомна без да сносат последици од судот на јавноста.
Пишете се, бе срцки, кои сте! Јас си стојам на мислењето, иако дозволувам да бидам аргументирано убеден. Немојте да бидете „евет ефенди“, само да кимате со глава и да се согласувате.
Осмели се! Кажи си го името! ...
Се разбира, има и чесни коментатори...
DeleteОрданоски, би те упатил да прочиташ нешто повеќе околу ликот чие име го носи овој блог. Криењето на идентитетот не е поради некаков страв или „немање мадиња“ како што велиш ти, туку поради концептуална конзистентост со ликот и филозофијата на Роршах.
ReplyDeleteВпрочем, мојот идентитет воопшто не е сокриен. Секој просечен студент од прва година по новинарски студии многу лесно би го открил мојот идентитет доколку прочитал барем една книга која се однесува на истражувачкото новинарство.
Очигледно, човекот кому се восхитуваш, во истражувачко новинарство се разбира колку што се разбира Амди Бајрам во фисија на атоми. На крајот на краиштата, незнам зошто толку сте запнале да дознаете кој сум. Ах, да, ми текна :) сакате да продолжите со ад хоминем аргументацијата и личната дисквалификација поради немоќта да одговорите на моите аргументи. Пријателе, моето име е сосема неважно.
Досега, не сретнав ниту еден аргумент кој ги побива моите поенти. Ти, поради немоќ и фрустрација, повеќе се занимаваш со тоа кој стои зад блогов, отколку за тоа што пишувам на него.
Мојот идентитет, на крајот на краиштата, наскоро и ќе биде откриен. И? Што тогаш? Ќе го направи ли тоа Героски подобар новинар?
Браво Роршах! Сакам да му кажам на овај Орданоски, дека е доблест, кога веќе имаш ИМЕ, да пишуваш под псевдоним!Зад таков текст, стоат аргументите, а не името!А во блоговите потпишувајсе колку сакаш, преку нив (блоговите), не се стекнува ИМЕ!Воопшто ништо не ми значи дали си Ванчо Орданоски, или Петровиќ Петар, ако тресиш глупости!Името е важно во непосредна, лична, комуникација, а не на вакви места! Убаво рекле старите Римјани:"Nomina sunt odiosa"!Табличка со овој натпис стоела на говорницата во Римскиот сенат, во деновите кога во него можел да влезе кој сака, да излезе на говорницата, и да зборува што сака! Преводот е “Имињата се омразени“, што значи: „Не е важно кој зборува, туку ШТО зборува“. Је..га, немало тогаш интернет, а имало повеќе слобода и помалку страв!А за тебе, и таквите како тебе, изгледа, после потпишувањето по училишните клупи, ова е единствено место и начин некаде да се појави вашето име и презиме, надвор од сопствената самосвест!
ReplyDeleteСе вклучувам врз основа на наведувањето на изворот во текстот на Геровски во Фокус. Ми импонира нивото на дискусија (генерално) што ја наметнува анонимниот автор на блогот. Верувам дека и нему му е јасно дека во цитираниот текст (од него) од Геровски не е акцентот ставен врз државата, ами врз власта. Кога вели дека „ќовекот не знае каде е“ (или сл., не е цитат), тогаш е сосема јасно дека алузијата е на исказот „... оваа земја и припаѓа на обединета Европа“. За жал, како што потврдува и Роршах (едно време гешталт-психологијата ми беше омилено подрачје во сферите во кои работам!)таа, со вакво практикување на власта навистина не и припаѓа на обединета Европа. Според тоа, амбасадорот или се служи со куртоазна фраза (најверојатно!) „или не знае каде е“ (помалку веројатно). Без оглед на сево ова (иако врз основа на формални логички заклучоци би можело да се полемизира со Роршах), би сакал да прочиам некој негов текст во кој со толкав интелектуален труд и ентузијазам ќе се зафати со полемика со текстовите или исказите на дел од новинарите со кои го споредува Геровски (Латас, Миленко, Мирка...). Тогаш ќе можеме да зборуваме за неговата принципиелност. Надмудрување со исто(слично) мисленици во даденава ситуација мислам дека не ни се потребни.
ReplyDeleteПоздрав
Анонимус, разликата помеѓу Героски и Латас/Миленко е огромна во поглед на формалното новинарско образование, квалитетот во исказот/писнаијата и техничкото познавање на јазикот (основна алатка на новинарот, без која не може да се биде новинар). Героски, за разлика од другиве, кои и не ги сметам за новинари туку за агенти на пропаганда, ги поседува сите критериуми кои ги наведов.
DeleteНемам никаква намера во иднина да ги деконструирам Латас и Миленко со оглед на тоа што нивното шарлатанство воопшто не се симулира, т.е. не се затскриваат зад некаква партиска неутралност. Немам никаква намера да се трошам откривајќи нешто што на секому му е јасно.
Латас и Миленко, во било која држава каде институциите се демократски и функционираат врз основа на законите, досега требаше најмалку 29 пати да бидат осудени за навреда, клевета, ширење верска нетрпеливост и сл.
Мирка е сосема различна приказна. За неа има простор да се отвори дебата со оглед на тоа што, за разлика од Латас и Миленко, таа е новинар според сите критериуми (исто како Героски). Иако, апсолутно ми е јасно, дека и Мирка е вклучена во одработување на партиската агенда на властодршците. Ако не тоа, во најмала рака, и се додворува на власта од можеби поинакви причини (лична нетрпеливост кон Бранко на пример)
Како и да е, поентата ми е дека на ниво на комуницирање со критиката, Латас, Миленко и Героски подеднакво се служат со користење на методи како етикетирање, денунцијација и ад хоминем аргументација, што, на ниво на техники кои ги користат, ги прави еднакви.
Ќе имаш прилика во иднина да прочиташ и други мои текстови и да се увериш во мојата принципиелност. На крајот на краиштата, тоа е и мотото на Роршах - Never compromise, not even in the face of Armageddon.
Како и да е, благодарам на коментарот